Hindi na nagpaliguy-ligoy pa ang PEP.ph (Philippine Entertainment Portal) nang makita at makausap si Ciara Sotto sa backstage ng Teatrino Greenhills noong Martes, Nobyembre 29, nang maging presentor siya ng 2011 Golden Screen TV Awards.
Diretsahan namin siyang tinanong tungkol sa pinag-uusapan pa ring interview ni KC Concepcion sa The Buzz kunsaan inamin nito ang breakup nila ni Piolo Pascual.
Si KC ay malapit sa pamilya Sotto. Ang ina ni KC na si Sharon Cuneta ay pinsang buo ni Ciara.
Ano ang naramdaman ni Ciara nang mapanood ang interview ni KC?
Sagot niya, "I feel bad for her because I know she's sad.
"Pero she's okay, e. And she's really, really [a] strong girl.
"The whole family is just here to support her.
"Of course, we're also sad. We cry when she cries, pero pinagdadaanan talaga 'yan sa buhay.
"So, all we have to do is just support her and love her and show her that we're here for her."
Hindi pa raw sila nagkakaroon ng pagkakataon na magkita ni KC pagkatapos ng interview nito, lalo ngayong nasa ibang bansa pa ang pamangkin.
Pero aware ba siya sa pinagdadaanan ni KC bago pa man ang pagpapa-interview nito sa TV?
"Yeah, parang nalaman ko from one of my sisters," sagot ni Ciara.
Kung tutuusin, nagdaan na rin si Ciara sa mga breakup bago siya nagpakasal sa kanyang mister na si Jojo Oconer. Kabilang na rito ang natapos nilang relasyon ni John Lloyd Cruz.
Wala ba siyang advice na ibinibigay kay KC?
"Well, I [would] tell her that it's better to have a boyfriend na hindi showbiz.
"Yun...yun talaga ang palagi kong sinasabi sa kanya.
"Pero kasi kapag ganyan, ilang taon pa lang naman siya...Mai-in love ka talaga kapag pinapakilig ka."
Nagulat pa ba siya noong malaman niya ang nangyari?
Sabi ni Ciara, "Hindi ko alam kung bakit hindi ako nagulat. But I wasn't expecting it naman.
"Pero I guess kasi, I know, she's still young and she will still find someone talaga that she can spend the rest of her life with."
Nagkasama na rin sina Ciara at si Piolo noon sa ABS-CBN sa isang show.
Ano naman ang masasabi ni Ciara para kay Piolo?
Ayon kay Ciara, "I think he should face his own battle.
"I think, if he really loves her, he'll stand up for her.
"Magkaibigan naman kami nun. So, wala akong galit sa kanya.
"Pero hindi rin ako natutuwa, siyempre."
Ano ang maipapayo niya ngayon sa kanyang pamangkin na si KC?
"My advice for KC is to take it easy. Be strong.
"'Always cling to God's love and she should never, never doubt herself.
"She should love herself more and she should always guard her heart." -- Rose Garcia, PEP
source:gmanetwork.com
